21 نومبر، 2026، 8:06 AM

ایران کا محاصرہ ناکام؛ آبنائے ہرمز دو روز کے لیے کھولنے پر تہران آمادہ

ایران کا محاصرہ ناکام؛ آبنائے ہرمز دو روز کے لیے کھولنے پر تہران آمادہ

امام جمعہ اردبیل نے کہا ہے کہ ایران کا محاصرہ ناکام ہو چکا ہے اور تہران اپنی شرائط پوری ہونے کی صورت میں آبنائے ہرمز کو دو روز کے لیے کھولنے پر آمادہ ہے۔

مہر خبررساں ایجنسی کی رپورٹ کے مطابق، آیت اللہ سید حسن عاملی نے اردبیل میں نمازِ جمعہ کے خطبوں میں ایران کے محاصرے سے متعلق امریکہ اور اسرائیل کی توقعات کا حوالہ دیتے ہوئے کہا کہ انہوں نے دباؤ ڈالنے کے تمام حربے استعمال کر لیے ہیں، لیکن ایران کا محاصرہ ناکام رہا ہے اور اس کے نتیجے میں وہ مطلوبہ احتجاجی مظاہرے بھی سامنے نہیں آئے جن کی انہیں توقع تھی۔

انہوں نے مزید کہا کہ دشمنوں نے ایک نقصان دہ جوئے میں نہ آبنائے ہرمز بند کی، نہ جوہری مواد باہر لے جانے میں کامیاب ہوئے، نہ نظام کو گرا سکے اور نہ ہی ایرانی قوم کو بغاوت پر آمادہ کر سکے۔ ان کی واحد امید محاصرے کے مؤثر ہونے سے وابستہ ہے۔ دباؤ اپنی انتہا کو پہنچ چکا ہے اور اب اس میں مزید اضافے کی گنجائش نہیں رہی۔

امام جمعہ اردبیل نے اس بات پر زور دیتے ہوئے کہ ایرانی قوم کا اس بحران سے کامیابی کے ساتھ نکلنا ملک کو خطے کی غالب طاقت اور بین الاقوامی سطح پر ایک برتر فریق بنا دے گا، کہا کہ امریکہ، یورپ، عرب ممالک اور اسرائیل اس بات پر تشویش میں مبتلا ہیں کہ کہیں محاصرہ ناکام نہ ہو جائے اور انہیں ایک سپر پاور کے ساتھ معاملات طے کرنے پر مجبور نہ ہونا پڑے۔

صوبہ اردبیل میں ولی فقیہ کے نمائندے اور امام جمعہ نے یہ بیان کرتے ہوئے کہ طویل مدت میں محاصرہ ایران کے لیے نقصان دہ ہے، اس حصار کو توڑنے کے لیے حکام کے ایک اہم فیصلے کا انکشاف کیا اور کہا کہ بہت جلد ایرانی تیل بردار جہاز جزیرہ خارک سے چین کی جانب روانہ ہوں گے۔ مسلح افواج نے بھی خبردار کیا ہے کہ اگر ان جہازوں پر ایک گولی بھی چلائی گئی تو خلیج فارس کے تمام ممالک کے تیل کے مراکز ایران کے جائز اہداف ہوں گے۔

امام جمعہ اردبیل نے آبنائے ہرمز کھولنے کے لیے ایران کی شرائط بیان کرتے ہوئے کہا کہ محاصرہ اور پابندیاں ختم کی جائیں، منجمد ایرانی اثاثے آزاد کیے جائیں اور این پی ٹی کے مطابق جوہری صنعت کے پُرامن استعمال کے حق کو تسلیم کیا جائے۔

انہوں نے کہا کہ ان شرائط کو قبول کرنے کی صورت میں ایران آبنائے ہرمز کو دو روز کے لیے کھولنے پر آمادہ ہے۔ ایران نے نہ جنگ شروع کی ہے اور نہ ہی وہ جنگ کا خواہاں ہے؛ اس کی مزاحمت مکمل طور پر دفاع کے دائرے میں ہے۔

News ID 1943010

لیبلز

آپ کا تبصرہ

You are replying to: .
  • captcha